क्षण झिम्मड ओलेते.......

मन आठवणींच्या पानावरती
निथळत ओघळते 
क्षण झिम्मड ओलेते.......

बरसत्या घनाच्या पावसाळी
अशाच एका सांजवेळी
वीज चर्र कापते काळीज
अशी ती दिसते
क्षण झिम्मड ओलेते.......

पीसाटलेला थेंब जणू ही
श्वासातील रोम अणू ही
फूल गवती चूर चूर पावसात ही
तिज संगे सलगी पाहते
क्षण झिम्मड ओलेते.......

निसटत्या सुरांचे गाणे
का ह्रदय धडकत राहणे
का ओठचे हळहळणे
मुक्त मनाच्या रानी
भिजली नागीण सळसळते
क्षण झिम्मड ओलेते.......