तुझ्या दिसण्यात सये,
दिसे मला तिची झाक,
भेटली जी रात्री मला,
येऊन माझ्या स्वपनात,

होती नाजूकच तीही,
जशी नाजूक तू सये,
जशी मिटावी पाकळी,
स्पर्श होता लाजाळूने.

म्हणे मला लाजून ती,
आले तुझ्या रे मनात,
सारे तुझ्या भवताली,
आहेत जागेच जगात,

कुणी पाहिलं मला इथे,
निरोप घेते मी त्या आत,
सख्या नको हट्ट धरू,
माझी बाई ची रे जात

मीही रुसलो मग जरा,
धरला खोटा खोटा राग,
म्हटलो जाऊ नकोस प्रिये,
बाकी पाहिजे ते माग

आता विचार मी केला,
कसे थांबवू प्रेयसीला,
बाहेर जाहली पहाट,
आता उजाडले पहा,

अन लाजलीस तू तेव्हा,
चढला गालांवर रक्तिमा,
तशीच दिसतेस आता ,
जशी दिसलीस तेव्हा

सखे देशील का मला
एक भेट प्रेमाची तू,
पुन्हा सोडून जाण्याची तू
प्रिये घाई नको करू

तुझ्या दिसण्यात सये
दिसे मला तिची झाक,
भेटली जी रात्री मला,
येऊन माझ्या स्वपनात,