नजरेत तूझ्या भावनांचे गहिरे रंग भरलेले ,
त्यातल्या काही रंगाने मजला वेड लावलेले ..!!



नजरेत तूझ्या मनाचे गूढ अंतरंग दडलेले ,
त्यामुळे मला स्फुरले प्रेमतरंग माझे लपलेले ..!!



नजरेत तूझ्या जीवनाचे मनोहर रूप सजलेले ,
त्यातील गुलाबी रंगात माझे स्वप्न पाहिलेले ..!!



नजरेत तूझ्या आनंदाची झाक हळुवार फुललेली ,
त्यामध्ये लाभली सुखाची किनार मला हरवलेली ..!!



नजरेत तूझ्या दु:ख्खाची काळी छटा पसरलेली ,
त्यामध्ये माझ्या ध्येयाची दिशा मला उमजलेली ..!!



नजरेत तुझ्या काळजी भविष्याची अबोल बोलणारी ,
त्यामुळे लागली ओढ जीवनांत तुला बहरविण्याची ..!!



नजरेत तुझ्या प्रेमाची आस नकळत पाणावली
त्यातूनच माझी प्रीत मनस्वी तुजवर बरसली ..!!!