थांबून क्षणभर ,
एकदा तरी बघ मजकडे
विसरून स्वतःला,
जगणे मन धुंद वेडे
तुझ्या प्रीतीची आस मज ,
प्रीत आपुली बहरू दे
उंच झोके अशी घे
गर्द सावली बेभान होऊ  दे
नभ व्याकूळ तुज साठी बस ,
एक थेंब मज दे
भिजवून टाक मग माझे अंगण,
भिजतील गोड बंध ते
मातीचा मधुगंध सखे,
खोल उरात घेऊ दे
तुज प्रतिबिंब मावळतीला ,
मज सागरा समरूप होऊ दे
सुर्योदयास  परत नव्याने ,
क्षितिजावर ये
येशील तेव्हा , मी आलेय ,
एक साद मज दे !!!