फुलांनी फुलांची मुलाखात घ्यावी...
वेळेआधी कळी ही आपसूक खुलावी...
 लाजून,बुजून तू अशी का हसावी...!

दिशा हरेक तुझे गुण गात बसावी...
सावलीत तुझ्या घुटमळून रहावी...
वा-याने गंधासवे ही खबरबात न्यावी...
 लाजून,बुजून तू अशी का हसावी...!

थेंबात ओठांवरल्या तृणपत्रे नहावी...
खुलवून हिरवळ तरारून जावी...
तुझ्या चिंब देहांत लतिका भिजावी...
 लाजून,बुजून तू अशी का हसावी...!

बेधुंद रानोवनी मज तूचं दिसावी...
जणू शालू हिरवा नेसून यावी...
पानापानावर तुझी ही मोहोर उमटावी...
 लाजून,बुजून तू अशी का हसावी...!