प्रेम सागरात् भीजलेत् सगळे
तरी म्हणती प्रेमास अंधळे
पाउल ठेवा जपूनी जरा तुम्ही
उघडे असुदेत सतत ते डोळे

प्रेमात स्वतः ला विसरून जाणे
फक्त दुसर्‍या साठी मग जिणे
जेव्हा ओथम्बुन वाहते घागर
एक मेकांचे नंतर मोजति उणे

कोणावर प्रेम करण्या पूरवी
आधी स्वतः वर प्रेम करावे
ह्याच सुंदर गुलाब पुष्पानी
दुसरे हृदय सुद्धा भरावे

प्रेमाचे गीत हे असे असावे
दोन्ही नयनी सारखे दिसावे
प्रेमाचे रांग कितीही उधळले
तरीही ते ओंजळीत उरावे

प्रेम हे एकमेकांना अर्पण
प्रेमाचे दुसरे नाव समर्पण
नुसते पाहून मनी ओळखावे
प्रेमाचा पारदर्शक हा दर्पण

कधी प्रेम उमलते बहरते
कधी अगणित प्रतीशा पहाते
दोघाच्या वाटा मिळाल्या ठीक
नाही तर ते हृदयात रहाते.