आठवणीत तू नजरेत तू,
ओठावरही तु्झेच नाव,
तुझ्यावर प्रेम करतो,
........ माझे नाव।
----------------------------------------
तुझ्यावर रागवणं तुझ्यावर रुसणं,
मला कधी जमलंच नाही,
कारण तुझ्याशिवाय माझं मन,
दुस-या कुणात रमलंच नाही।
---------------------------------------
एकटेपणा सारून जातो . .
असा तुझ्या आठवणीत ,
उन्हाचा चटका विसरून जातो . .
जसा पावसाच्या सावलीत .!
--------------------------------------
तुझं माझ्यावरचं प्रेम बघून
मला खूप बरं वाटलं
स्वप्नात जरी असलं तरी
जाग येईपर्यंत खरं वाटलं
---------------------------------------
तुझ्याशिवाय जगणं काय,
जगण्याचं स्वप्नसुध्दा पाहू शकत नाही,
श्वासाशिवाय काही क्षण मी जगू शकतो,
पण तुझ्याशिवाय एकही क्षण जगू शकत नाही।
----------------------------------------------
माझ्या मिठीत अशी ये की,
माझेच मला भान नसावे...
वास्तवाचा पडुनी विसर मी,
फक्त तुझ्यातच रमावे..
----------------------------------------------
प्रेम मागुन मिळत नाही ते वाटावं लागतं,
ध्यानी मनी नसताना अवचित कोणी भेटावं लागतं...
प्रेमाचं फुलपाखरू स्वछंद उड़ते,
मनमोहक रंगानी पुरतं वेडं करतं.....
-----------------------------------------------
एका इशाऱ्याची गरज असेल,
हृदयाला किनाऱ्याची गरज असेल,
मी तुला त्या प्रत्येक वळणावर मिळेल,
जिथे तुला आधार ची गरज असेल.....
------------------------------------------------
प्रेम म्हणजे काय असते ते,
जाणण्यासाठी प्रेमात पडायचे असते ,
स्वछंदी प्रेमाचा वर्षाव करत,
एकमेकांना अलगद सावरायचे असते..
------------------------------------------------
गुलाबाची सुंदरता,
मोगऱ्याचा वास,
पावसाच्या सरीसारखा,
शीतल तुझा सहवास..
------------------------------------------------
तुझ्या आणि माझ्या प्रेमाचा,
साक्षीदार आहे तो क्षण,
ज्या क्षणी मी तुला,
देऊन टाकले माझे मन...!
-----------------------------------------------
एक क्षण तुझ्या शिवाय मला राहता येत नाही,
तुझे दू:ख मला सहन होत नाही,
का एवढे प्रेम करतेस की,
तुझ्या शिवाय मला जगता येत नाही..
-----------------------------------------------
प्रत्येकाच्या जीवनात येतो हा गोड क्षण,
अगदी आनंदाने जगतो प्रत्येक जण,
दोन जीवांचे मधुर मिलन,
त्याच नाव "प्रेम" आणखी कोण..
----------------------------------------------
माझ्या आठवणींना तुझ्या सोबतीची जोड़ असते,
तू सोबत असली तर प्रत्येक आठवण गोड असते,
प्रत्येक क्षण आठवतो तुझ्या सोबतितला,
क्षण असा की लाजवेल सुखाला...
-----------------------------------------------
प्रेम म्हणजे..
चंद्रासारखे शीतल राहणे,
कधीकधी सूर्यासारखे तापणे..
सुगंध होऊन दरवळत राहणे..
उसळणाऱ्या लाटेसारखे वाहने.!
----------------------------------------------
सौंदर्या पेक्षाही सुंदर तुझ दिसणं,
स्वप्न पेक्षा रम्य तुझ हसणं,
फुला पेक्षा कोमल तुझ रुसणं,
या सर्व पेक्षा तुझ माझ्या जवळ असणं.
---------------------------------------------
प्रेम तिच्यावर करावे,
जिला आपण आवडतो,
नाहीतर आपल्या आवडीसाठी,
आपण उगाच आयुष्य घालवतो.
--------------------------------------------
तिच्याशी भांडताना नकळत,
मीच नकळत तिच्या बाजूनी होतो!
तिच्या गालचे अश्रू पुसत,
रागच माझा फितूर होतो !!
-------------------------------------------
पहाटेची गुलाबी थंडी,
मी मुक्त अनुभवतो..,
त्यातून तुझा स्पर्श,
मला आजही जाणवतो..!
--------------------------------------------
रानोमाळ पळून गेलेले शब्द,
ती गेल्यावर परत येतात,
आणि, काय काय बोलायचे होते याची,
आठवण करून देतात..
----------------------------------------------
"प्रेम" हा रेशमाचा धागा असतो..
तो प्रत्येकाच्या नशिबात नसतो..
आपल्या नशिबात आला म्हणून..
तो खेळण्या सारखा खेळायचा नसतो!
------------------------------------------------
तू भेटशील तेव्हा,
खूप काही बोलायचे आहे . .
थोडे फार भांडण आणि,
खुपसे प्रेम करायचे आहे .
-----------------------------------------------
तुझ्या डोळ्यात दाटलेले ते अश्रू ,
तूच सांग सखे मी कसे विसरू ?
स्वप्नात हरवताना क्षणो - क्षणी तुझ्या ..
सांग सखे मी स्वतःला कसे सावरू.?
---------------------------------------------
फुलाकडे सहानुभूतीने काय बघतेस
त्याला देठाचा तरी आधार आहे ,
जरा माझ्या हृदयात डोकावून बघ ,
तुझ्या वाचून सगळा अंधार आहे.
--------------------------------------------
दुरून तुला पहिले ..
याचा मला हर्ष आहे ..
तू जवळ नसलीस तरी ..
सोबत तुझा हलकासा स्पर्श आहे .!
-------------------------------------------
तुझं माझ्यावरचं प्रेम बघून
मला खूप बरं वाटलं
स्वप्नात जरी असलं तरी
जाग येईपर्यंत खरं वाटलं
-------------------------------------------
भावनेच्या भरात,
बरेच काही बोलून गेले,
प्रीतीचे बंध जोडत,
फुलपाखरू उडून गेले.
-------------------------------------------
जग सारे प्रेमात पोहत असताना,
मी तुझ्या डोळ्यात बुडलो होतो,
शाळेत घातल्यापासून असे पहिल्यांदाच झाले,
कि मी सगळ्या विषयां मध्ये उडलो होतो.
------------------------------------------
ओल्या तुझ्या त्या स्पर्शाला,
मंद मंद असा सुवास आहे....
आजही आठवतो मला तो क्षण,
ज्या मध्ये अडकलेला माझा श्वास आहे
-----------------------------------------
प्रेम म्हणजे.. "वसंत ऋतू"
जे एका नजरेत हृदयात उमलते,
डोळ्यात तरंगते आणि,
ओठावर थरथरते.!
-------------------------------------------
कविता करताना आज मला,
काही सुचतच नाही,
मनात दाटून आलेल्या भावना,
कागदावर आज येतच नाहीत..
------------------------------------------
तुझी मी माझा तू, आपण एकमेकांचे.....
माझे डोळे तुझीच छटा , स्वप्नं चांदण्याचे...
तुझे ओठ माझी गोडी, गुपित भारावल्या क्षणाच.
-------------------------------------------------
ओठांवर जेव्हा ओठ टेकवतांना,
भान दुनियेचे ठेवायचे नसते,
तूच तर सांगत असतेस ना मला,
तेंव्हा डोळ्यानीच डोळ्यांशी बोलायचे असते.
---------------------------------------------
प्रिये तू जायला निघाली आणि डोळ्यात पाणी आले,
तू हळुवार गालावर हाथ फिरवून,
पुन्हा भेटण्या चे वचन दिले,
पुन्हा मी तुला मिठीत घेतले.
-------------------------------------------------
काही बोलून रडवू नकोस,
चूप राहून शिक्षा देऊ नकोस,
सुख देवू नाही शकत तर दु:ख हि चालेल,
फक्त वचन देशील मला विसरू नकोस.
------------------------------------------------
एक ओंजळ प्रेमाची फक्त तुझ्या साठी
शपथ अतूट नात्याची फक्त तुझ्या साठी
आज दिले वचन तुला
माझी सर्व सुखे फक्त तुझ्या साठी..
------------------------------------------------
एक क्षण तुझ्या शिवाय
एक क्षण तुझ्या शिवाय मला राहता येत नाही,
तुझे दू:ख मला सहन होत नाही,
का एवढे प्रेम करतेस की,
तुझ्या शिवाय मला जगता येत नाही..
-------------------------------------------------------
