माझ्या प्रत्येक कृतीमध्ये असतो

 तुझ्याच आनंदाचा ध्यास

 समजून त्यास तू घेशील ना ...?

 तू अशीच मला स्फूर्ती देत रहाशील ना ...?

 मान्य मला माझ्याकडून घडतात काही चुका

 प्रेमळ पणाने माफ करून मजला

 तू सुधारण्यास मदत करशील ना ?

 तू माझी खरी मार्गदर्शिका होशील ना ...?

जीवनात असती मला भरपूर सखया-सखे

 त्यातील बरेच केवळ खुशमस्करे

 तयाहून तू वेगळी वागशील ना ?

 टीकेबरोबर कधीतरी मजला वाखाणशील ना ...?

 एकटेच येतो अन एकटेच जातात सर्वजण

ठाऊक मजला हे जीवनाचे तत्व !

ह्या प्रवासात माझी "खरी मैत्रीण" होशील ना ?
"मैत्र" निभाऊन आयुष्यभर जन्मोजन्मी मज भेटशील ना ...