सखे, आठवण येता तुझी,

मन माझे उदास होत !

आनंदाने भरलेल्या जीवनात सुद्धा,

काहीतरी 'उण' वाटत रहात !

तुझ्या बरोबरचे ते क्षण,

पुन्हा मज अनुभवावेसे वाटतात !

लख्ख मोकळ्या मनात माझ्या,

मैत्रीचे ढग दाटून येतात !

मैत्री अपुली अशीच होती

रखरखीत दु:ख्खाची उन्हे जाऊन

निर्मळ प्रेमाची घनदाट छाया

दोघांच्याही जीवनात आली होती !

त्या रमणीय अपुल्या सर्व क्षणांची

उजळणी आजही मी मनी करतो,

रोजच्या संसाराच्या धावपळीत हि,

हृदयात दडवून मी 'जपून' ठेवतो !

नातं आपल्या "राधा-कृष्णी" मैत्रीचे

मनी माझ्या आजन्म राहील !

आठवण येता कधी माझी तुला

डोळ्यात हमखास माझ्याही पाणी येईल ...!!!