धुंद निरव रात्रीच्या

ह्या शांततेत प्रिये ,

बघ चंद्र पौर्णिमेचा

रमला कसा चांदण्यांसवे !


मंद रातराणी सुगंध त्यात ,

मद मस्त करीतसे मनास !

आरक्त एकाकी प्रहरी अशात

आठवण तुझी येतसे खास !


स्मरीत सुगंधित श्वास तुझे,

मन इथे माझे झुरते !

मृदू स्पर्शाचे आठवीत चांदणे ,

तव मिलनाची आंस लावते !


अमृतमय तुझ्या सहवासाचे,

चांदणे अंतरी फुलवून जा !

प्रणायातूर पौर्णिमेत प्रिये,

भेटून चंद्रासम बहरवून जा