ती मनस्वी, ती हळवी ;

ती हसरी, ती गाणारी !

ती स्वप्नाळू , ती मायाळू ;

ती लाजाळू , ती प्रेमाळू !

ती खोडकर, ती बंडखोर ;

ती संशयखोर , ती भांडखोर !

ती चांदण्यात विहरणारी,

ती पावसात बहरणारी !

ती भावनांनी भिजलेली,

ती आवेशांनी फुललेली !

ती तलवारीची धार,

ती ज्वलंत निखार !

ती प्रीतीचा आविष्कार,

ती क्रांतीचा चमत्कार !

ती मदभरी शृंगारात बेधुंद,

ती सौंदर्याने ओतप्रोत बेबंध !

सहवास तिचा हवाहवासा,

तनमनावर मोरपीस जसा