समोर नसूनही तुझे चित्र मी काढू शकतो ,

दूर राहूनहि तुझी हालहवाल समजू शकतो !

प्रेमात माझ्या इतकी आत्मीयता आहे कि

प्रेम तुझे मम हृदयातूनी जाणु शकतो !



तरीसुद्धा पाहता प्रेमी युगुलांस एकत्रपणे,

भेटण्यास तुज मन व्याकुळ होते !

नकळत मम डोळ्यात अश्रू दाटते ,

अन आठवणीने तुझ्या उदासीनता येते !



विरहात बुडून देवाकडे मरणही मागितले ,

हतबलता दर्शवित देव मजला वदले ...

"अरे, केव्हाच मजकडून तव प्रियेने

तुझ्या उदंड आयुष्याचे आशीर्वाद घेतले " !