प्रेम कुणावर कां जडतं
कुणालच हे समजत नसतं ,
प्रेम म्हणजे काय असत
सांगण्यासारख ते मुळीच नसतं !


शब्दांनी जरी कुणी नाही वदलं
तरी 'ज्याचं त्याला' नजरेनं लगेच समजतं ,
मुखाने प्रेमींनी कितीही नाही म्हंटलं
तरी ' प्रुफ ' प्रेमाचं चेहऱ्यावर उमटवतं !


प्रेम आशांचे पंख लावतं
प्रेम स्वप्न पहायला लावतं ,
प्रेम मनात ' बहार ' आणतं
प्रेम जगण्यात ' खुमार ' आणतं !


प्रेम आयुष्यातील सुखद पडाव असतो
प्रेम सुख-दु:ख्खाचा अनोखा सराव असतो ,
कुणाचा तरी जीवनभराचा शिरकाव असतो
ऋणानुबंधाचा नकळत सांसारिक प्रवास असतो