स्वप्नांचे तुजला पंख फुटतील ,

मनात आशांची किरणे पसरतील ,

नव जीवनाचे वारे वाहतील ,

जेव्हा तू मला भेटशील ...!

जीवनी आनंदाचा बहर येईल ,

बंध प्रेमाचे जुळून येतील ,

दु;ख्खे सारी पळून जातील ,

जेव्हा तू मला भेटशील ...!

अंतरी उत्साहास पूर येईल ,

दिन सौख्याचे पुन्हा येतील ,

वय काळाचे भान भुलशील ,

जेव्हा तू मला भेटशील ...!

शत जन्माचे प्रेम बहरतील ,

मिलनाचे ऋणानुबंध तू जाणशील ,

तृप्त होऊनी आनंदे नाचशील ,

जेव्हा तू मला भेटशील ..