गोड हसत मोहून मजकडे ,
नेत्र कटाक्ष तू टाकले !
कसे सांगू तुज सखया ,
मनात माझ्या काय झाले !
उधाण यौवनाचे मनी उसळे ,
उफाळलेल्या भावनांस आवरू कैसे ?
जादुई स्पर्शास अंतरी आसुसले ,
शांतव मिठीत एकरूप जैसे !
रंग प्रीतीचे हृदयी फुलती ,
स्मरता तुज सखया राती !
माळूनी गजरा तुझ्या मीलनी
वाट पहात प्रिया तरसती !
थरथरे देह अकस्मात पहाटी ,
स्वप्नी येवूनी जसे चुंबसी !
कैफ मिलनाचा अधुरा परी
आंस लावूनी स्वप्न भंगती ...!!
No comments:
Post a Comment