भाव माझ्या अंतरीचा ,ओळखून जा रे
पूर वेडया आसवांचा, थोपवून जा रे ....

झोप तू चोरलीस तरी, लागलेच डोळे
तोडत साखळी स्वप्नांची , जागवून जा रे....

दुर्मिळ किती भेट तुझी नि बोल लाघवी रे ,
गोड गोड शब्दांनी मला मोहरून जा रे....

क्षण तुझ्या सान्निध्यातले, साठवून घ्यावे
सोबतीच्या या क्षणांना ,मन्तरून जा रे....

लाखो आहेत की रत्ने, वाण काय त्यांची ?
अंतरीचा माणिक जरा , पारखून जा रे....

टाकतोस खुशाल सखया मोहिनी किती रे !
मायाजालातून मला , सोडवून जा रे .