तुझ्यावर जीवच जडला


तुझ्यावर जीवच जडला

औक्षणाचे औचीत्य
साधून तुझ्यावर
माझा जीवच ओवाळीला
काय करू ?
तुझ्यावर जीवच जडला

दृष्ट काढण्याचे अवसान
करून माझ्याच नजरा
मी तुझ्यावरून उतरविल्या
काय करू ?
तुझ्यावर जीवच जडला

प्रीतीच्या देव्हार्यात
देव कसा भेटला
दर्शनाचे निमित्त करून
हृदयात तुला अर्चिला
काय करू ?
तुझ्यावर जीवच जडला

आहेसच तू असा
निर्मल कोमल
प्रेमाळ मधातला
माझ्या सानंदातला

माझाच मला हेवा वाटला
का म्हणून काय विचारतोस
तुझ्यावर जीव नाही का जडला ??