तिने बेचैन होतांना
कळ्यांनी श्वास टाकावे
तिने होकार देतांना
जीवाचे चांदणे व्हावे
कधी ते डाव मांडावे
कधी हसून मोडावे
तिच्या रुसव्यात शब्दांचे
दुहेरी बोलणे व्हावे
किती मोजू तऱ्हा आता
तिच्या त्या वार करण्याच्या
तिच्या हाती कट्यारीने
सुखाचे खेळणे व्हावे
तिच्या डोळ्यातले पक्षी
फुलांचे सोबती होते
किती दारंग स्वप्नांचे
निजेवर सांडणे व्हावे ..
तिने बेचैन होतांना
कळ्यांनी श्वास टाकावे
तिने होकार देतांना
जीवाचे चांदणे व्हावे .. ♥♥